TAS · NUR AVIA → SEM TRAVEL · 2011–2026
15 yil. Bitta oila.
Akam Sardorbek, onam Muhayyo va men, Elyorbek. Tariximiz bitta bekatdagi kichkina xonadan boshlangan.
15 yil — 2011 yildan, aviakassa ochilgan kundan beri. Undan oldin, 2007 yildan, bekatda Paynet nuqtamiz bor edi.
- Litsenziya T‑0264
- Yandex 4,7 ★ (47)
- O'z binomiz, 220 m²

KUPON 01/07
«Qila olmaysan»
— Akamga aytilgan gap
Akam aviabiletga qiziqib, aviakassada ishlaydigan bir akadan maslahat so'raganlar. Javob qisqa bo'lgan: «Qila olmaysan. Bu juda qiyin. Sizlar qila olasizmi?»
Bu gap akamni xafa qilgan, lekin to'xtatmagan. Alloh izni bilan akam ishning ketidan tushdilar: tizimlarni o'rgandik, kassir topdik va 2011 yilda aviakassani ochdik.
QILDIK · 2011
KUPON 02/07
2007
2011
Bekatdagi kichkina xona
2007 yilda bitta bekatda kichkina Paynet nuqtasini ochganmiz. 2011 yilda xuddi shu joyda aviakassa ochildi. 2011 yildan 2016 yilgacha bizni NUR AVIA deb tanishardi.
Xodim oldik, bilet tizimlarini o'zimiz o'qib o'rgandik, kerakli kassirni topdik. U paytda biletlar qog'oz kuponli edi. Keyin jamoa kattalashdi, pul kassiri ham oldik. Jiyanlarimiz ham shu yerda ishlardi.
- NAME OF PASSENGER
- YO'LOVCHI
- FROM
- TASHKENT TAS
- TO
- —— · ——
- DATE
- __ / __ / 2011
- STATUS
- OK

KUPON 03/07
Uch kishi, uch vazifa
Akam yangilik qilardilar, men uni tartibga solardim. Ikkimizni bir joyda ushlab turgan esa onam edilar.
Sardorbek- Asoschi. Yangi narsani boshlaydilar.
Elyorbek- Hisob-kitob, bilet qarzlari, kimdan qancha qolgani va hisobotlar.
- Muhayyo
- Onamiz. Duolari, buxgalteriya va hisobotni bilganlari bilan bosh-qosh bo'ldilar.
Hikoya davom etadi. Savolingiz hozir bo'lsa — Telegram'da yozing →
KUPON 04/07
Ko'rmagan joyni qanday sotamiz?
Bilet olgan mijozlarimiz tur ham so'ray boshladi. Biz turlarni litsenziyali turoperatorlar orqali sotardik, lekin o'zimiz chet elda bo'lmaganmiz.
Qo'rqardik: o'zimiz bormagan, ko'rmagan joyni qanday sotamiz? Shuning uchun tanish turfirmadan iltimos qilib, otellarni ular bilan birga tanlardik.
Shu yo'l bilan eng qadrli mijozlarimizni yo'qotdik. Sababi oddiy edi: o'zimiz bilmasdik.
KUPON 05/07
2015
O'zimiz bordik
Bilmasak, borib ko'rish kerak edi.
2015 yil yanvarida men o'qishga Xitoyga ketdim. Uzoqda tushundim: akam va onamni bu ish bilan yolg'iz qoldira olmayman. Qaytib keldim.
O'sha yilning bahorida akam, tog'am va men Dubayga uchdik. Transferni, mehmonxonalarni, ko'chadagi transportni, ekskursiyaga qanday chiqilishini, rayon va plyajlarni o'z ko'zimiz bilan o'rgandik.
— — 2015 yanvar · Xitoy → qaytdim
—— 2015 bahor · Dubay
YO'LOVCHILAR: AKAM, TOG'AM, MEN
Shu safardan keyin qoida paydo bo'ldi:
QOIDAMIZ
Eng ko'p sotadigan yo'nalishlarimizga oldin o'zimiz borib, o'rganib kelamiz.
Siz uchun bu degani: eng ko'p so'raladigan yo'nalishlar bo'yicha maslahatni o'sha joyni ko'rgan odamdan olasiz.
Menejerdan so'rang →KUPON 06/07
2016
Dumaloq bino
2016 yilda o'z binomizni qurdik: 220 kvadrat metr, dumaloq shaklda.
Shu yili NUR AVIA nomi SEM Travel bo'ldi. Mijozlar binoni ham, yangi nomni ham yaxshi qabul qilishdi. Biz uchun bu bekatdagi kichkina xonadan keyingi katta qadam edi.

2011–2016

2016 dan

KUPON 07/07
2018
2026
Bugun
2018 yilda o'z litsenziyamizni oldik: T‑0264.
Qoida bugun ham ishlaydi. 2026 yilda menejerlarimiz Fukuok orolini o'rganib keldi, bir xodimimiz Sharm ash-Shayxga borib, u yerdagi yangiliklarni ko'rib keldi.
15 yil
2011 yildan beri
220 m²
o'zimiz qurgan bino



YANDEX · 4,7 ★ · 47 baho · Uchtepa filiali
«Katta rahmat SEM TRAVEL. Tez va ishonchli tur — bunaqasini ko'rmagandim. Kompaniyaga omad!»
O'ZIMIZ BORAMIZ · 2015–2026
ARXIVDAN
ARXIVDAN · 2019
ARXIVDAN · 2017
ARXIVDAN · 2019Hammasini ko'rish (8)
ARXIVDAN · 2016
ARXIVDAN
ARXIVDAN
ARXIVDAN

BORT TALONI · REYS SEM 2026
Nomimiz ham shundan:
S
Sardor
E
Elyor
M
Muhayyo
SEM — bir oila. Birga uchamiz.
YO'LOVCHI
Siz
Siz qayerga uchmoqchisiz?
Yozing, birga tanlaymiz.
- Litsenziya T‑0264
- Yandex 4,7 ★
Kompaniya xodimlari safari yoki turfirmalar bilan hamkorlik: Hamkorlik uchun yozish →



